فلسطين- بغداد- الكويت - كابل - الرياض
قبل ابتدي بالقاف سميت بالله ///// أستغفره واسبّح بكامل اسماه
واتوب له وارجيه والوذ بــ حماه //// أطمح لعفوه مثل ما اخشى عذابه
من بعدها اصلّي على خير الانام //// صفوة قريش الهادي لدين الاسلام
اللي بخير رسالةٍ منزله قام //// رغم انه امّي ما يعرف الكتابه
وهذي ترى من معجزات النبوّه //// خذا الكتاب المنزل بكل قوّه
والدين سمح وما يجي بالفتوه //// والحق حق وما يبي له طلابه
هذي مواقف والمواقف كثيره //// وعن البعيده قلت اجيب الاخيره
وعن الطويله باختصر للقصيره //// ولا كل من رّحب تقول البقا به
ستين عام ومشكلتنا فلسطين //// في كل عام نقول بتزين وتشين
والذاكره ترجع على يوم حطين //// روّح صلاح الدين واقفت ركابه
حطوا خريطه للطريق ومشينا //// ويوم انها طالت علينا غدينا
عن البنادق قصصوها يدينا //// وعن الصراحه زودوا فالرقابه
ياسين راح وراح عقبه وزيره //// مظاهراتٍ عمّت فــكل ديره
وياهل الرمك زيدوا لهن البريره //// والخوف ما خلى للافعال جابه
ووسط العراق الناس صارت هياكل /// من قل ما تلقى وتشرب وتاكل
مشاكلٍ جتهم وراها مشاكل //// واللي يبى الما صار يطرد سرابه
من قبل عشر سنين والقصد واضح /// فعل جرى سافر وغادر وفاضح
وكل إناء بما احتوى فيه ناضح //// وكم واحدٍ يضحك وكل البلى به
صدام حوّلها على دار جاره /// وقمنا وقلنا كلنا يا خساره
وعقب انسحب واعلن بيان اندحاره /// عوّد على بغداد ثم صك بابه
ومع لجنة التفتيش صارت حكايه //// وقبل البدايه خابرين النهايه
وابو الشباب مصممٍ فوق رايه //// لين ضربوه وصار قصره نهابه
اربع شهور يدورونه على ماش /// ماعاد يدرى حي والا انه انحاش
كثر الكلام الين قالوا لنا عاش //// لقوه في جحرٍ بجنبه خرابه
وجابوه معروضٍ بكل القنوات /// ومن الندم بانت عليه العلامات
وما عاد ينفع قول ما فات قد مات //// يابو عدي يابو عدي واسفابه
في داخل الفلوجه الناس راحت /// حتى الجثث من كثر الاموات فاحت
وبوارق التغيير ما عاد لاحت //// للحكم مجلس مثل حكم النيابه
والصدر سوى له علوم وقضيّه /// مع ربعه الشيعه غدوا طايفيه
قواته تحارب صباح وعشيّه //// والخوف يضرس ياعرب تحت نابه
وعقب استوى الياور على الحكم يمكن /// أمورهم نقول تهدا وتسكن
وتضحك عيونٍ طول الايام يبكن //// والعلم عند الله وكل الرجا به
هذي حكايه غيرها عندي علوم //// حقايقٍ ماهي كما اضغاث وحلوم
شفنا بعز القايله شمس ونجوم //// منها الحكيم شوي يفقد صوابه
حنا بعام الفين واربع بلشنا //// عشنا وشفنا مير وشلون عشنا
مواقفٍ فيها عقلنا وطشنا //// غير العداوه جت لنا فالقرابه
في دارنا شفنا علوم وبهاذيل //// بعض الشباب علومهم جت تهاويل
وان كان تبغون الخبر بالتفاصيل //// قصه حقيقيه وفيها غرابه
القاعده تنظيمها وسط كابل //// عقب اختلط فالامر حابل ونابل
جابوا لديرتنا سلاح وقنابل //// ولاهيب تنظيمات صارت عصابه
المملكه سبعين عامٍ تعمّر //// واغروا صغار السن فيها تدمّر
وقواتنا عن السواعد تشمّر //// والسيف تكمن قوته في نصابه
تفجير في الحمرا وثاني بفينيل //// ودمّان خلق الله على الرقه تسيل
ولابه سبب واضح ولا فيه تعليل //// قالوا على الكفار نبغى الحرابه
ومن عقبها التفجير وسط المحيّا //// فيه العرب متكدسينٍ هنيّا
نصف رمضان استهدفوهم كذيّا /// والحق واضح والمواقف تشابه
واكبر مصيبه جت لنا حادث الوشم /// ماعاد هي فالحلق لا وصلت الخشم
تهشمت منها ضلوع الرجا هشم //// وفعل الخوارج كل حيٍ درى به
ومن عقبها وسط الخبر ويش سووا /// مثل الحيايا فالشوارع تلووا
اطلاق نار وخطف اجانب وهجوا /// وحنا نزيد مع المواقف صلابه
بكره يجي تفجير وسط المساجد //// في وقت ذا راكع وهذاك ساجد --- هذا قبل تفجير المساجد لان القصيده عام 2004
قليلةٍ منهم ولاهيب واجد //// اللي هذا فعله أجل وش نبى به
ندعي عليهم كل صبح وعشيّه //// اللي لهم الفين نيّه ونيّه
ولي الامر مساندته الرعيّه //// دون الوطن كلٍ بيرخص شبابه
حتى نكف عن المواطن وذاهم /// ونكشف خباياهم ونفضح وزاهم
ونعرف من اللي فالحقيقه وراهم //// وعلى السؤال المر نلقى إجابه
من يستفيد ليا تدمّر بلدنا //// من يستفيد ليا تهوّر ولدنا
والى متى يبقى عليهم جلدنا //// نحمي تضاريس الوطن مع سحابه
حنا سعوديين حنا هل الدين /// بالشرع والاسلام دايم قويين
من فعلهم حنا ترانا بريين /// والمذنب الخارج بيلقى عقابه
مؤامراتٍ كلبوها خبيثه //// للي خطاهم فالجرايم حثيثه
واحدهم ليا مات يقحص وريثه /// والخبل خبل وما حسبنا حسابه
أمثال راعي ليبيا معمّر الزفت /// اللي يحسب انه قدر يعرف الكفت
مادمت فالقران يا خبل حرّفت /// ماعقب هذي ولا وراها خيابه
عقب فركوا فالارض خشمه تهرّب // من اسلحته ولليهودي تقرّب
واخر علومه فالصحافه تسرّب //// تخطيط والتخطيط الاقشر عثى به
في باله اللي صار في موقفٍ فات /// يبغى يخطط لاغتيال القيادات
أرسل مراسيل وعطاهم جنيهات //// يبغى اغتيال القرم ذيب الذيابه
عبدالله اللي فالمواقف له اسلوب //// اللي ليا دورت مافيه عذروب
الا انه اللي عند هالشعب محبوب /// ولي عهد المملكه له مهابه
هذا وبه مجنون في وسط لندن //// ولو قلت به مجنون بيقال جداً
اسمه فقيه وهو علومه تردّن //// والله عليم بماكله وبشرابه
خبلٍ يبابي فالاذاعه على طول /// ولايستمع له غير من كان مبدول
بكره تشوفه داخل البار مسطول //// ولاتنشدوني للبلى ويش جابه
تمت وعذراً كان فيها إطاله //// وكلٍ مقامه يتفق مع مقاله
يقولها شاعر عمامه خواله //// أصله مثبّت من نوادر عتابه
__________________
الناشر زايد الرويس مادري هل هو شاعرها او غيره والشاعر عتيبي فعلا
اعجبتني ونقلتها لكم
قبل ابتدي بالقاف سميت بالله ///// أستغفره واسبّح بكامل اسماه
واتوب له وارجيه والوذ بــ حماه //// أطمح لعفوه مثل ما اخشى عذابه
من بعدها اصلّي على خير الانام //// صفوة قريش الهادي لدين الاسلام
اللي بخير رسالةٍ منزله قام //// رغم انه امّي ما يعرف الكتابه
وهذي ترى من معجزات النبوّه //// خذا الكتاب المنزل بكل قوّه
والدين سمح وما يجي بالفتوه //// والحق حق وما يبي له طلابه
هذي مواقف والمواقف كثيره //// وعن البعيده قلت اجيب الاخيره
وعن الطويله باختصر للقصيره //// ولا كل من رّحب تقول البقا به
ستين عام ومشكلتنا فلسطين //// في كل عام نقول بتزين وتشين
والذاكره ترجع على يوم حطين //// روّح صلاح الدين واقفت ركابه
حطوا خريطه للطريق ومشينا //// ويوم انها طالت علينا غدينا
عن البنادق قصصوها يدينا //// وعن الصراحه زودوا فالرقابه
ياسين راح وراح عقبه وزيره //// مظاهراتٍ عمّت فــكل ديره
وياهل الرمك زيدوا لهن البريره //// والخوف ما خلى للافعال جابه
ووسط العراق الناس صارت هياكل /// من قل ما تلقى وتشرب وتاكل
مشاكلٍ جتهم وراها مشاكل //// واللي يبى الما صار يطرد سرابه
من قبل عشر سنين والقصد واضح /// فعل جرى سافر وغادر وفاضح
وكل إناء بما احتوى فيه ناضح //// وكم واحدٍ يضحك وكل البلى به
صدام حوّلها على دار جاره /// وقمنا وقلنا كلنا يا خساره
وعقب انسحب واعلن بيان اندحاره /// عوّد على بغداد ثم صك بابه
ومع لجنة التفتيش صارت حكايه //// وقبل البدايه خابرين النهايه
وابو الشباب مصممٍ فوق رايه //// لين ضربوه وصار قصره نهابه
اربع شهور يدورونه على ماش /// ماعاد يدرى حي والا انه انحاش
كثر الكلام الين قالوا لنا عاش //// لقوه في جحرٍ بجنبه خرابه
وجابوه معروضٍ بكل القنوات /// ومن الندم بانت عليه العلامات
وما عاد ينفع قول ما فات قد مات //// يابو عدي يابو عدي واسفابه
في داخل الفلوجه الناس راحت /// حتى الجثث من كثر الاموات فاحت
وبوارق التغيير ما عاد لاحت //// للحكم مجلس مثل حكم النيابه
والصدر سوى له علوم وقضيّه /// مع ربعه الشيعه غدوا طايفيه
قواته تحارب صباح وعشيّه //// والخوف يضرس ياعرب تحت نابه
وعقب استوى الياور على الحكم يمكن /// أمورهم نقول تهدا وتسكن
وتضحك عيونٍ طول الايام يبكن //// والعلم عند الله وكل الرجا به
هذي حكايه غيرها عندي علوم //// حقايقٍ ماهي كما اضغاث وحلوم
شفنا بعز القايله شمس ونجوم //// منها الحكيم شوي يفقد صوابه
حنا بعام الفين واربع بلشنا //// عشنا وشفنا مير وشلون عشنا
مواقفٍ فيها عقلنا وطشنا //// غير العداوه جت لنا فالقرابه
في دارنا شفنا علوم وبهاذيل //// بعض الشباب علومهم جت تهاويل
وان كان تبغون الخبر بالتفاصيل //// قصه حقيقيه وفيها غرابه
القاعده تنظيمها وسط كابل //// عقب اختلط فالامر حابل ونابل
جابوا لديرتنا سلاح وقنابل //// ولاهيب تنظيمات صارت عصابه
المملكه سبعين عامٍ تعمّر //// واغروا صغار السن فيها تدمّر
وقواتنا عن السواعد تشمّر //// والسيف تكمن قوته في نصابه
تفجير في الحمرا وثاني بفينيل //// ودمّان خلق الله على الرقه تسيل
ولابه سبب واضح ولا فيه تعليل //// قالوا على الكفار نبغى الحرابه
ومن عقبها التفجير وسط المحيّا //// فيه العرب متكدسينٍ هنيّا
نصف رمضان استهدفوهم كذيّا /// والحق واضح والمواقف تشابه
واكبر مصيبه جت لنا حادث الوشم /// ماعاد هي فالحلق لا وصلت الخشم
تهشمت منها ضلوع الرجا هشم //// وفعل الخوارج كل حيٍ درى به
ومن عقبها وسط الخبر ويش سووا /// مثل الحيايا فالشوارع تلووا
اطلاق نار وخطف اجانب وهجوا /// وحنا نزيد مع المواقف صلابه
بكره يجي تفجير وسط المساجد //// في وقت ذا راكع وهذاك ساجد --- هذا قبل تفجير المساجد لان القصيده عام 2004
قليلةٍ منهم ولاهيب واجد //// اللي هذا فعله أجل وش نبى به
ندعي عليهم كل صبح وعشيّه //// اللي لهم الفين نيّه ونيّه
ولي الامر مساندته الرعيّه //// دون الوطن كلٍ بيرخص شبابه
حتى نكف عن المواطن وذاهم /// ونكشف خباياهم ونفضح وزاهم
ونعرف من اللي فالحقيقه وراهم //// وعلى السؤال المر نلقى إجابه
من يستفيد ليا تدمّر بلدنا //// من يستفيد ليا تهوّر ولدنا
والى متى يبقى عليهم جلدنا //// نحمي تضاريس الوطن مع سحابه
حنا سعوديين حنا هل الدين /// بالشرع والاسلام دايم قويين
من فعلهم حنا ترانا بريين /// والمذنب الخارج بيلقى عقابه
مؤامراتٍ كلبوها خبيثه //// للي خطاهم فالجرايم حثيثه
واحدهم ليا مات يقحص وريثه /// والخبل خبل وما حسبنا حسابه
أمثال راعي ليبيا معمّر الزفت /// اللي يحسب انه قدر يعرف الكفت
مادمت فالقران يا خبل حرّفت /// ماعقب هذي ولا وراها خيابه
عقب فركوا فالارض خشمه تهرّب // من اسلحته ولليهودي تقرّب
واخر علومه فالصحافه تسرّب //// تخطيط والتخطيط الاقشر عثى به
في باله اللي صار في موقفٍ فات /// يبغى يخطط لاغتيال القيادات
أرسل مراسيل وعطاهم جنيهات //// يبغى اغتيال القرم ذيب الذيابه
عبدالله اللي فالمواقف له اسلوب //// اللي ليا دورت مافيه عذروب
الا انه اللي عند هالشعب محبوب /// ولي عهد المملكه له مهابه
هذا وبه مجنون في وسط لندن //// ولو قلت به مجنون بيقال جداً
اسمه فقيه وهو علومه تردّن //// والله عليم بماكله وبشرابه
خبلٍ يبابي فالاذاعه على طول /// ولايستمع له غير من كان مبدول
بكره تشوفه داخل البار مسطول //// ولاتنشدوني للبلى ويش جابه
تمت وعذراً كان فيها إطاله //// وكلٍ مقامه يتفق مع مقاله
يقولها شاعر عمامه خواله //// أصله مثبّت من نوادر عتابه
__________________
الناشر زايد الرويس مادري هل هو شاعرها او غيره والشاعر عتيبي فعلا
اعجبتني ونقلتها لكم
شعر قصيده توقع شاعرها اشياء قبل تقع وفعلا وقعت
ليست هناك تعليقات:
إرسال تعليق