كتبت احداهن احداث هذه القصه ..
تقول كنت اشتغل خطابه ..
كنت شغاله ماشاءالله زي الحلاوه
الخطبه الوحده آخذ عليها خمس الاف واذا فيها مميزات زياده
اخذت سبعه ثمانيه الاف ...
الا ان مره اتصلت علي بنت وطلبت مواصفات زوج المستقبل يكون
ملك جمال
تبغاه جميل قلت لها لازم اشوفك وتكونين جميله
قالت : اسمعي من الاخر
انا بنت جدا جدا عاديه
انتي كم تاخذين بالخطبه الوحده
قلت خمسه
قالت انا بعطيك ضعفها خمس مرات
وانا اللي ينخرش قلبي *٢٥ الف *
من خطبه وحده
قلت ابشري تامرين امر بس
يبيله وقت على بال ماحصلك اللي تبين
تعرفين عندي ذمه
وتبدى مرحله البحث وصداع وتعب وانا ماغير ادور بهالمعرس
الى ان جاء ذاك اليوم
الرجال اللي سبحان من خلقه وصوره بهالجمال قلت بس
هاذا اللي تبيه وبدينا بمرحلهـ
الاقناع انه يتزوجها من غير نظره شرعيه
واستخدمت اسلوب المنع والترغيب قلت اسمع فيه بنت ملكه جمال وعندي صورة فنانه
قلت شف تشبهه لها بس مشكلتها محد يعجبها
وعيال عمها تهاوشوا عليها
والكل ترفضه
لا لا لازم اصرف النظر عنها
وهو انهبل قال مابي الا هي
حاولي فيها
قلت ابوها شديد مافيه نظره شرعيه قال :
موافق
قلت يابن الحلال استخير منت شايفها الا وهي عروس
قال انا مارتحت الا لها
والحمدلله تمت الخطبه
وعطتني *٢٥ الف *
وهو عطاني *٥ الاف *
وانا اللي اونس عيالي بالثلاثين الف
واونس نفسي
وبعد ثلاث شهور اتصل علي
ويكلمني بذاك الصوت اللي يجيب العافيه
ويتشكرني ويدعي لي على الزوجه الجميله اللي زوجته اياه
وانا بيني وبين نفسي اقول :
الله يخلف على عقله شكله حبها؟؟
ويقول لي بهاالمناسبه مسوين حفله باستراحه
وحابك تحضرين معنا بكرى
وابتشكرك وتستاهلين اعطيك ضعف اللي عطتك زوجتي شكر لك
وانا اللي ارقص من الوناسه ...
تقول :
واتجهز من بكرى واخذ لي اغلى صينيه شوكلاته
ماهمتني بتجيني *٥٠ الف *
واروح للاستراحه يوم دخلت
استغربت الاستراحه هاديه ومافيه
الا الرجال وزوجته ويتقدم لي
ياهلا ومرحبا بام فلان
وياخذ صينيه الشوكلاته ويحطها على جنب
تقول هاذي اللقطه اخر شي بذاكرتي
مقال يابخت من جمع راسين بالحلال ..
ليست هناك تعليقات:
إرسال تعليق