قِدم ويدري عليه حقوق
كلن طلـب مدة حقوقـــه
غيم السعد فيه نوب بروق
والغيـم ما تحجب بروقـــه
أما صبــاحٍ وفيــه شروق
وإلا ظلامٍ نســــى شروقه
الشوق يالعنبوه الشـــوق
عزي لمن طاولـه شوقـه
القلب ماعاش دون عروق
والسر ماكشف صندوقــه
ياهيه جعله عــداك العوق
اركــد قبـل حالك تعوقـــه
أنا من اللي يجيب النــوق
محدن تمادى على نوقــه
حرٍ وطلعه بعيــد وفـــوق
ماحــط في رجله سبوقــه
والحمل لا ثقل وسط السوق
نشيلـــه وندفـــع لسوقـــه
وثوب بكمه نشوف فتوق
عنــد الله خياطــة فتوقــه
وإن خاط ثم صار دون شقوق
العـــز لا تجحــد حقـوقـــه
للشاعر / مهدي بن مويس الراشد رحمه الله
اعجبتني الكلمات وجبتها لكم مع الاعتذار لتحريف العنوان .. ويارب تعجبكم :star:
شعر العـــز لا تجحــد حقـوقـــه
ليست هناك تعليقات:
إرسال تعليق