النسّ صده وانت لا طال نسّك
يستوحش من الصد قلبي واحاتيك
يانبضه اللي كل ماجيت أجسك
حتى العتاب يموت ماطاعني فيك
على كثر ما خذت ماقلت بسك
تستاهل اللي جاك من قلب مغليك
اهتم في حبل الوصال وتمسك
لا ينقطع والحبل في يدي ويديك
يحتس من طاريك لاغاب حسك
من يفتقد حسك ويسمع بطاريك
ماودي أن معاتبي لك يحسك
ولا ودي ان شي من الوصل يلهيك
ادرى عليك من الهوى لا يمسك
ومن نظرة عيون الخلايق حواليك
ويلي على أغض بنظرهم وأدسك
وإلا أحشر عيوني مع عيونهم فيك
الشاعر / حمدان المري
فيديو - يوتيوب شيلة .. حبل الوصال
ليست هناك تعليقات:
إرسال تعليق