شعر خذ الحكم

خذ الحكم من فكر بالشعر اجتهد
من تجربة دنياه علمه جايبه
ماهو بأول شاعرً قافه قصد
ولا شمس شعره بالجزاله غايبه
يمده بعرفه من احوله مدد
ويشد عزمه طيب روحً صايبه
لك ينسج احروفه ذهبها والشهد
يامن يبي صيته فخر قرايبه
أخشع لربك واتبع اللي له عبد
عن مغريات النفس نفسه طايبه
يبشر بشارة خير عنها مابتعد
دام الجوارح عن خطاها تايبه
يحرص على اعماله وبالدنيا زهد
وتمطر برحمة خالقه سحايبه
يرجي رضى ربه واجر ابلا عدد
سبحانه اللي تبهرك عجايبه
ارجال حيه وجهها وجه السعد
قول وفعل والناس منها هايبه
واحذرك من شخص ل الله ماسجد
يحلف يمين وتلحقك مصايبه
واللي نكر معروف ولاصحابه جحد
لا تأمنه واحذر رجالً خايبه
واللي يبي قولة وليده هالولد
وفعله ردي عكسه فعايل شايبه
واللي تغطرس مايرا بعينه احد
ضايع معقد زايده غرايبه
ومن مَنّ بافعاله يعددها عدد
من منته نفسي ونفسك طايبه
وارجال عِلت قلبها حقد وحسد
من فعلهم صاروا رجالً عايبه
ومن لا يحسب اخطاه بالدنيا فسد
ومن لا يهاب الناس ما حدً هايبه
ما تزرعه يمناك بكره بتحصد
وابعد عن الشيطان وشرً جايبه
(البدر العوني )

شعر خذ الحكم